الرئيسية / كلمات شيلات جديدة 2019 . 2020 / كلمات شيلة متعب الفهادي الخاطر المكسور

كلمات شيلة متعب الفهادي الخاطر المكسور

سرى ليل ٍ هواجيسه تدك الخاطر المكسور
يخاويه الحزين الي ستر دمعه عن اصحابه

ظلامه يوحش الساري ولا حوله سراج ونور
تباطا نور فجره والحزين ادنات ماصابه

سبايب من نوى الفرقى وعزم واستباح الجور
وبيت الحب من بعده وهجره قطع اطنابه

ثلاث شهور مرت والصحيح انها ماهي بشهور
غدا يوم الشهر عندي يساوي عام بغيابه

وانا ربي بلاني بين قلبٍ مايطيع الشور
وبين اللي يقول الحب طعني واقفل ابوابه

لو انه داريٍ باللي حصل بيقول لي معذور
ها ويش الي يحده يعذل المشحون باحبابه

ياوحشة غيبته والي خلق سبعٍ وسبع بحور
ماينساه الخفوق الي خذله الخفوق واقفابه

عن admin12